www.sahityasafar.blogspot.com
એક સામાન્ય માણસની પણ કોઠાસૂઝ ઘણીવાર કોઇ અદભુત કામ કરી જાય છે તેની સાબિતી આપતો આ પ્રસંગ જરૂર વાંચજો અને શેર કરવાનું ભૂલતાં નહિ....
એક પ્રસિદ્ધ વક્તા હતો.એક દિવસ વક્તાની તબિયત ખરાબ થતાં ડ્રાઇવરે તેની જગ્યાએ ભાષણ આપવાની ઇચ્છા જાહેર કરી.અગાઉના ભાષણો તેના ડ્રાઇવરે સાંભળ્યાં હતાં.જે જગ્યાએ ભાષણ આપવાનું હતું ત્યાં વક્તાને કોઇ ચહેરાથી ઓળખતું નહોતું એટલે બીજો તો કોઇ વાંધો આવે તેમ નહોતો,છતાં કંઇ ગરબડ ન થાય તે માટે વક્તા પોતે ડ્રાઇવરના વેશમાં તેની સાથે ગયો.અસલી ડ્રાઇવરે પૂરા આત્મવિશ્વાસ સાથે બહેતરીન ભાષણ આપ્યું.ત્યાં સુધી કે તેની બોડી લેંગ્વેજ અને હાવભાવ પણ એકદમ વક્તા જેવા હતાં.લોકો 'વક્તા'પર આફરીન થઇ ગયાં અને જોરદાર તાડીઓ વગાડીને તેનું અભિવાદન કર્યું. ત્યાર પછી શરૂ થયા સવાલ - જવાબ.એક શ્રોતાએ ખૂબ જ અઘરો સવાલ કર્યો.ડ્રાઇવર સમજી ગયો કે તે આ સવાલનો જવાબ નહી આપી શકે.એ તરત હસી પડ્યો : 'ઓહ! આ સવાલ તો એટલો સહેલો છે કે એનો જવાબ મારો ડ્રાઇવર પણ આપી શકે એમ છે.'
♥ બોધ ♥
વિદ્વાનની અસલી નિશાની કોઠાસૂઝ હોય છે.
www.sahityasafar.blogspot.com
